(((يمه)))

يمـــــه
يمه ربيع الكـــــون ماهـــــو بعيني

ماشاقني طفلٍ وأنا صــرت رجال ...
وأطلقت بالأيـــــــــام مهرة سنيني

يمه رضيت بكل مايرضـــي الحال ...
بس الزمــــــن بالحيل يلوي يميني

نوخت فكري للتواضـــــع ولا زال ...
وجعلت في وكــــر الكرامه جبيني

ومديت كفيني عطا تشعـل اشعال ...
أصابعـــــــــي شمع لمن هو يبيني

وجعلت في قلبـــي للأحباب منزال ...
وسكنتـــــهم رغم علي عاذليني

طبعي كذا ، ماخالطــه خبث واهبال ...
أشري الذي في خاطره يشتريني

يمه ، أنا في عالـــــم الحب مرسال ...
تكفينــــي من نار العذاب ادركيني

كنت أذكر البسمه علـى شفاة الأطفال ...
كانت تحــرك كل الأفراح فيني

صمتي قتل في داخلـــي كل الآمال ...
وتبخــــــرت أحلام أول تجيني

كنت أحسب الدنيـــــــا قصيدة وموال ...
موالها فـــــــــرح ، وفرحها هجيني

لكن نغمها ماطرالـــــــي على البال ...
ان الليالـــــــي بطبعها تكتفيني

يمه ، جهلـــــت اسنين ، وسنين أطوال ...
أمشـــــي وتصفق في هواها يديني

أطرد سراب وداخـــــــل الأرض زلزال ...
آه الظمـــــــــــــا يقتل سنابل حنيني

يمه كفوف الـــــــــبرد ماتدفي الشال ...
أرمي الزمــــــان وبالحنان احضنيني

يمه شكيت ومــــابغيت أشكي الحال ...
صــــوت انهتف في داخلي سامحيني
تحيااتي ..
BAD BOY